آمئریکا مطبوعاتی: ایران رئژیمی درین بحرانلا اوزلشیر 

پنج‌شنبه  ۴ تير ۱٣٨٨ -  ۲۵ ژوئن ۲۰۰۹

ایراندا باش قالدیران اعتراض دالغاسی و حکومتین زوراکی‌لیق‌لارا ال آتماسی یاخین شرقده اهمیت‌لی یئر توتان بو اؤلکه‌نین سیاسی گلجیی باره‌ده بیر سیرا نظریه‌لره یول آچیب.  اوتوز ایللیک مؤوجودیتی دؤنمینده ایلک دفعه اولا‌راق ایسلام‌چی رئژیم اؤز اها‌لی‌سی طرفین‌دن بو نوع جدی سیناغا چکیلیب.

نیو یورک تایمز-این تئهرانا اعزام ائدیلمیش کؤشه یازاری روگئر کوهئن سون اعتراض دالغاسی نتیجه‌سینده ایسلام‌چی رئژیمین اساس‌لی شکیلده ضعیفلدیگینی دئییر.  اونون سؤزلرینه گؤره سئچکی‌لری ساختا‌لاش‌دیرماقلا ایران رهبرلیگی رئژیمله سیاسی باخیم‌دان یئتکین جمعیت آراسین‌داکی اوچورومو باغلاماق فورصتینی الدن وئریب.  دوزدور، رئژیم تینانامئن مئیدانیندا اولدوغو کیمی کوتلوی شکیلده نوماییش‌چی‌لری قیرماییب.  لاکین باش وئرن توققوشما‌لار حاکم ائلیتا داخیلینده جدی چاتلاق عمله گتیریب.  کوهئن ایسلام رئژیمینی ضعیفله‌دن بئش باش‌لیجا فاکتور سادالاییر.  بون‌لاردان بیرینجی‌سی آیتوللاه خامئنئیی‌نین آلی دینی رهبر و بیترف روحانی رهبر کیمی گؤزدن دوشمه‌سی‌دیر.  ایکینجی‌سی، رئژیم ایندیدک 20 فایز دسته‌یه مالیک اولدوغو حالدا یئرده قالان 80 فایزی هدفلندیریلمیش رئپرئسسیا‌لار واسطه‌سیله نظارت آلتیندا ساخلاییردی.  لاکین آرتیق بو چوخلوق رئژیم‌دن بئزیب و قزب‌لی‌دیر.  اوچونجوسو، محمود احمدی نئژادین طرفدارلاری حاکمیتی او درجه‌ده حیا‌سیزجاسینا قامارلاییب‌لار کی، حاکم دایره‌نین ایچری‌سینده پارچالانما باش وئریب.  بیر طرفده خامئنئیی‌نین طرفدارلاری، قارشی طرفده ایسه غضب‌لی ائلئکتورات، علی اکبر هاشئمی رفسنجانی و میر حسین موسوی کیمی ایسلام اینقیلابینین گؤرکم‌لی خادیم‌لری دایانیر.  دؤردونجوسو، پرئزیدئنت ماهمود احمدی نئژاد بئینلخالق عالم قارشی‌سیندا لئگیتیم‌لیگینی ایتیریب.  هر دفعه او، عدالت‌دن و ائتیکا‌دان دانیشاندا رئژیمین نوماییش‌چی‌لره قارشی ایشلتدیگی زوراکی‌لیق‌لارین ویدئوسو جان‌لانا‌جاق.  نهایت رئژیم سون حادثه‌لرده ایرانین بؤیوک اکثریتینی تشکیل ائدن گنج نسلین، اللخوسوس قادین‌لارین، دستیینی بوسبوتون ایتیریب 

Washington پوست-اون یازاری دئیوید ایقناتیوس دا اوزون دؤنمده ایراندا موباریزه آپاران قوه‌لر آراسیندا ایسلام رئژیمینه موخالیف دوشرگه‌نین قلبه‌سینه عمین‌لیک ایفاده ائدیر.  “اولا بیلسین کی، قارشی‌داکی بیر نئچه گونده دینک‌لرله سیلاهلانمیش قولوزورلولار اؤز ایراده‌لرینی خالقا حاکم ائتسین‌لر.  لاکین سوندا قلبه شهید اولموش نئدا آغا سولتانین طرفدارلارینا مخصوص اولا‌جاق.  اونلار ایران رئژیمی‌نین دوشمن‌لری آمئریکا، ایسرایل و سودیه اربیستانین ائده بیلمدیک‌لرینی ائدیب‌لر – دینی رئژیمین ضعیف‌لیگینی ایفشا ائدیب‌لر.  حؤکمدارلار چالیشا‌جاق کی، بو یارانی زورلا قاپاتسین‌لار، و یا مویین گوزش‌لره گئتمکله ساغالتسین‌لار، لاکین رئژیمه وورولان یارا ساغالمایا‌جاق.”   ایقناتیوس بون‌دان سونرا باش وئره‌جک حادثه‌لری جورج مئیسون اونیوئرسیتئتی‌نین پروفئسسورو جک قولدستوونون قیسا تحلیلی ایله سجیلندیریر:  رئژیم دییشیک‌لیگینه آپاران پروسئس 3 مرحله‌دن کئچیر.  اولجه ائلیتانین عضو‌لری قوپا‌راق موخالیفت یارا‌دیر.  سونرا میللت قوتبلشیر و کوالیسیا‌لار پئیدا اولور.  بونون آردینجا کوتلوی موبیلیزاسیا باش وئریر.  ایراندا هر 3 مرحله آرتیق حیاتا کئچیب.  سوندا بو پروسئس‌لر بیر آرایا گله‌رک رئژیمین سوقوتو دئمک اولا‌جاق.

Washington پوست-اون باشقا یازاری روبئرت کاپلان حساب ائدیر کی، ایراندا باش وئرن حادثه‌لر بوتون یاخین شرقده رئزونانس وئره‌جک.  قونشولوق‌داکی عرب دؤولت‌لرین‌دن فرق‌لی اولا‌راق ایران قدیم دؤولت عنعنه‌لرینه مالیک‌دیر، و بورادا مؤوجود اولان جمعیت خئی‌لی مورککب و یئتکین‌دیر.  ایراندا 1979-جو ایلده باش وئرن ایسلام اینقیلابی فونادئمئنتالیزمین یاییلماسیندا کاتالیزاتور رولونو اوینادی.  سون 30 ایلده دئستروکتیو حرکت‌لری ایله ایسلام‌چی رئژیم یاخین شرقین سیاسی دوزه‌نینه بؤیوک تأثیر گؤستریب.  لاکین کاپلانین فیکرینجه دئموکراتیک ایران رئگیونا داها گئنیش تأثیر گؤسترمک ایمکانینا مالیک‌دیر.  عینی زاماندا بئله بیر دییشیک‌لیک شیعه ایران ایله سوننی عرب قونشولاری آراسین‌داکی ایختیلافی داها دا گوجلن‌دیره بیلر.

آمئریکانین سسی

http://www.oyrenci.com/News.aspx?newsId=7172